Ngā pātai auau mō Tōku Kura

Whakamahia te tahua takaiho Takiuru kei te kokonga matau o runga rawa i tētahi whārangi.

Ko tō ingoa kaiwhakamahi te tau tuakiri a Te Tāhuhu o Te Mātauranga mō tō kura (hei tauira, '1234', 'AE123' rānei). Mēnā kua takiuru kētia ki Tōku Kura, me whakamahi i tō kupuhipa onāianei.

Ki te kore, tāurua te kupuhipa taunoa '12345678' i tō takiurunga tuatahinga, ka waihanga ai i tāu anō kupuhipa ahurei. Me whakapā ki tō kairuruku hononga mēnā ka hiahia ki tō tau Tāhuhu o Te Mātauranga.

MMā tō takiuru Tōku Kura e urua ngā rauemi akoranga katoa. Ka whakarato urunga anō hoki ki tō wāhi āwhina i Tōku Kura (Āwhina me ngā Mōhiohio mō ngā Kaiwhakarato Paparua). He rerekē te urunga a ngā kairuruku kura i ā ngā ākonga urunga, ā, ka kitea e rātou ngā akoranga katoa i rēhita ai ā rātou ākonga, me te akoranga Āwhina me ngā Mōhiohio Kaiwhakarato Paparua hoki, me ngā mōhiohio mō ā rātou ākonga whakamahi i Tōku Kura mā te taumahinga Tātari Kaiwhakamahi. Ka whai urunga anake ngā ākonga ki ngā akoranga i rēhita ai rātou, ā, ki te akoranga Pokapū, kei roto ko ngā kōrero āwhina me ngā mōhiohio mā ngā ākonga.

E uru ai ki tō akoranga Āwhina me ngā Mōhiohio Kaiwhakarato Paparua, pāwhiria te ata rapu akoranga (e iwa ngā tapawhā rite iti), ka rapu ai i te Āwhina me ngā Mōhiohio mō ngā Kaiwhakarato Paparua.

Kei te Āwhina me ngā Mōhiohio Kaiwhakarato Paparua me Te Pokapū - Tōku Kura te maha rawa o ngā kōrero āwhina me ngā mōhiohio. Mō ngā uiuitanga whakatere me te taumahinga haere ki te whārangi kāinga i Tōku Kura kia kite i ngā mōhiohio 'Me pēhea' me ngā ataata āwhina.

Mō te tautoko ako tuihono me ngā raruraru takiuru, waea mai i te 0800 65 99 88 kōwhiringa 2 ka īmēra rānei i hub@tekura.school.nz.

Ka tukuna ki ngā ākonga ā rātou mōhiohio takiuru ā te rēhitatanga o tā rātou whakaurunga.

Ko te ingoa kaiwhakamahi me te kupuhipa tīmata a ia ākonga ko tā rātou tau tuakiri ākonga, ā, kei roto tērā i te īmēra kua whai tohutohu takiuru mā rātou. Ko te whakarite, me tautuhi e ngā ākonga tētahi kupuhipa ahurei ā tā rātou takiurunga tuatahinga. Ka āhei ērā ākonga kua tautuhi kē i te kupuhipa Tōku Kura te whakamahi tonu i taua kupuhipa ā te tau ka whai ake.

Mēnā kua whakamanatia te whakaurunga o tō ākonga, ā, kua rārangitia i tō mata Ākonga Rēhita mō Te Pūnaha Whakauru a Te Kura (TES), engari kāore anō kia whiwhi i tētahi īmēra me ngā tohutohu takiuru Tōku Kura, ka taea te takiuru ki TES kia kitea tana tau tuakiri ākonga.

Ka whakamahia tana tau tuakiri ākonga ahurei hei ingoa kaiwhakamahi, hei kupuhipa tīmata āno hoki ki te uru ki Tōku Kura. Me tautuhi rawa ngā ākonga i tētahi kupuhipa ahurei ā tā rātou takiurunga tuatahinga.

Ka taea e ngā kairuruku me ngā ākonga te whakapā ki te Pokapū Ratonga Whānau me te Ākonga i te hub@tekura.school.nz, ka waea rānei i te 0800 65 99 88 (kōwhiringa 2) i ngā haora mahi mēnā ka raru tā rātou takiuru.

Ka taea te whakamahi te pātene 'kupuhipa wareware' i te whārangi takiuru o Tōku Kura ki te tautuhi anō i te kupuhipa. Ka tukuna he īmēra ki te wāhitau i whakaratohia i te wā o te whakauru i te ākonga me tētahi hono mō te tautuhi anō i te kupuhipa. E mana ana te hono mō te 14 rā.

Āe. He ōrite tonu ngā ākonga paparua utu utunga ki ērā atu ākonga paparua. Ka tukuna ki aua ākonga ngā tohutohu mō te takiuru atu ki Tōku Kura kia uru atu ai ki ngā rauemi akoranga, ā, he ōrite ō rātou kōwhiringa mō te whakahoki mahi ki ō ērā atu ākonga paparua.