Ngā ākonga i tāwāhi
Ka whakarato mātauranga Te Kura, ko tōna pūtake Te Marautanga o Aotearoa, ki ngā ākonga e hāereere ana i tāwāhi, e noho ana i tāwāhi rānei mai i ngā Tau 1–13, me te tuku i ngā hōtaka tāwariwari kua whakawhaiarotia kia tutuki ai ngā kaingākautanga me ngā hiahia tauwhāiti.
He huhua noa ngā take e whakauru mai ai ngā ākonga i tāwāhi - he ākonga whakawhiti rātou, he kaiaka toa, he kaikanikani ori hīteki, he tamariki a ngā mātua e mahi ana i tāwāhi, e hāereere ana pea rānei i te ao i te taha o tō rātou whānau.
Ka whakahaere ā mātou ākonga i tō rātou ao takatū, ā, he angitu i ā rātou mahi ako.
Ko wai ka āhei te whakauru?
E whakauru ai hei ākonga i tāwāhi, me pēnei rawa koe:
- kei waenga i te 5–19 ō tau (engari kāore e huri ō tau ki te 20 i te tau o te whakaurunga)
- he kirirarau, he kainoho pūmau rānei o Aotearoa (kua noho i Aotearoa mō ngā tau piritata e rua, neke atu rānei)
- ka āhei te whakatutuki i tētahi o ngā paearu āheitanga wā kikī o tāwāhi kua takoto i te kaupapahere whakauru a Te Tāhuhu o Te Mātauranga.
Ka pēhea koe e ako ai
Ka whakarato tuihonotia ngā whakaakoranga mā Te Kura, tā mātou taiao ako tuihono, ā, ka turukihia ki ētahi atu kaiwhakarato mātauranga tuihono. Ka whakaako mātou i te ranunga o ngā kōwae tuihono me ētahi atu rauemi pēnei i ngā kai roro, ngā kōnae ororongo me te ataata, me ngā ngohe hei whakaoti ina kaore koe e whai rorohiko.
Kite kōrero anō mō te ako tuihono.
Mēnā kāore anō koe kia whakauru mai ki a mātou, e tūtohu ana mātou kia tirohia e koe Te whakakite i Tōku Kura. Tirohia ētahi o ā mātou akoranga tuihono kia kitea ka pēhea ngā ākonga Tau 1–13 e ako ai i Tōku Kura.
Ngā ākonga e mahi whakamātautau NCEA ana
Ka āhei te mahi i ngā whakamātutau mō ngā paerewa e aromatawaia ana ā-waho i tāwāhi mēnā ka tutuki ētahi paearu:
- e noho ana koe i tāwāhi i te wā o ngā whakamātautau NCEA i Aotearoa (te tīmatanga o Whiringa-ā-rangi ki Hakihea)
- kua whakaurua koe hei ākonga wā kikī, he ākonga utu utunga rānei i tāwāhi
- ka tutuki i a koe ngā whakaritenga katoa o te NCEA, pēnei i te whakarite i te tirotiro tōtika.
Ka mahia ngā whakamātautau i tāwāhi i waenga o Whiringa-ā-nuku, ā, ka whakaritea mā Te Kura. Kāore koe e āhei te mahi i ngā whakamātautau Karahipi o Aotearoa i tāwāhi. E wātea ana he kōrero anō i te paetukutuku NZQA.
Ngā mea e hiahiatia ana
Mō te ako tuihono e tūtohu nei mātou:
- kia whai pūrere tōtika e taea ai te uru ki te ipurangi me Tōku Kura
- kia whai tūhononga aunui me te mahere raraunga o te 30GB i te iti rawa
- kia whai urunga ki tētahi pūreretā me tētahi matawai.
Tirohia tā mātou rārangi arowhai mō te rārangi katoa o ngā utauta e hiahiatia ana kia tōtika ai ō māhi ako tuihono..
Me pēhea te tono
Ā muri i tō taki kua āhei koe, ka taea te whakauru tuihono, ka tikiake rānei i tētahi puka whakauru.
Haere ki te Whakauru ināianei ki te tīmata.
Ako atu anō
Whakapā mai ki tō mātou rōpū Ako i Tāwāhi mēnā he pātai āu, mēnā e hiahia ana ki ētahi atu mōhiohio i mua i te whakauru mai.
Īmēra: overseas@tekura.school.nz
Waea: +64 4 473 6841, ka tono ki te kōrero ki te Kaiwhakahaere Ako i Tāwāhi, ki ngā kaiārahi rōpū rānei