Te whakauru
Kāore taku tamaiti e tautuku ki ngā paearu āheitanga. Ka taea tonu te whakauru?
Ka taea pea te whakauru tō tamaiti hei ākonga utu utunga. Tirohia te hōtaka utu akoranga mō ngā mōhiohio.
Ka āhei ngā tamariki whai aweretanga kia kuraina i te kāinga te whakauru?
Āe, ka taea aua tamariki te whakauru hei ākonga utu utunga. Me rau atu he tārua o te Pōkaitahi Aweretanga nā Te Tāhuhu o Te Mātauranga me ngā pepa whakauru.
Me pēhea taku tiki i te Pōkaitahi Aweretanga kia kuraina i te kāinga?
Matapakitia tēnei ki te tumuaki o te kura kei reira tō ākonga ināianei. Me tuku tono ōkawa ki tō tari ā-rohe o Te Tāhuhu o Te Mātauranga.
He aha ngā paearu mohoaotanga?
Me mātua noho te ākonga i tētahi tawhiti kua whakaritea i te kura pātata rawa, ahakoa kāore te ākonga e taetae atu ki taua kura. E inea ana taua tawhiti mā te rori tūmatanui poto rawa, te ara hīkoi poto rawa rānei i te kēti kāinga o te ākonga tae atu ki te kura pātata rawa. Kei te kaupapahere whakauru a Te Tāhuhu o Te Mātauranga te kaupapahere katoa me ngā whakaritenga tawhiti.
He nui te tāpoi haere o tō mātou whānau i te whenua. Ka āhei mātou ki te whakauru, kāore rānei?
Mēnā kotahi te nuku a tō whānau i te iti rawa i ia kaupeka o te tau, ā, me nuku koe i te kura, tēnā pea ka tutuki ngā paearu koroirangi. Ko te wā whakauru tino poto ka taea ko te ono marama. Haere ki tā mātou wāhanga whakauru mō ngā mōhiohio mō ngā paearu āheitanga, ka pānui rānei i te kaupapahere whakauru a Te Tāhuhu o Te Mātauranga.
Me tangata ahau nō Aotearoa mō te whakauru?
Mo te nuinga o ngā kāwai, hāunga tō te ākonga o tāwāhi e utu utunga ana, me tangata nō Aotearoa koe, me kainoho pūmau rānei. Haere ki tā mātou wāhanga whakauru mō ngā mōhiohio mō ngā paearu āheitanga.
He hiahia ako motuhake ō tāku tamaiti. Ka whakarato āwhina tāpiri koe?
Ka whakarato a Te Kura i ngā whakaakoranga tauwhāiti ki ngā ākonga kua whai hiahia ako motuhake. Ka kapi i tēnei ngā ākonga e tukuna ana ki a mātou mā ngā tomokanga mātauranga motuhake a Te Tāhuhu o Te Mātauranga, rātou rānei kua rēhita tautokoruatia mō te urutaunga marautanga e tō rātou kura kāinga. Ka āta mahi tahi ngā kaiako ki ngā mātua, te kaitirotiro me te whānau o ia ākonga, me ērā atu e whai wāhi ana ki te tiaki i ia ākonga, ki te whakarato i tētahi hōtaka ako e hāngai ana ki ngā hiahia ako o te ākonga. I te taumata NCEA, ka whakaaetia pea ngā ākonga he hauātanga tauwhāiti ā-tinana, ā-hauora, ā-tairongo, ā-ako rānei ō rātou kia whakaratohia ki ngā āhuatanga aromatawai motuhake (e mōhiotia ana hei SAC) mō ngā aromatawai NCEA ā-roto, ā-waho hoki.