Ngā Kāri ID Ākonga
Ka taea e ngā ākonga kura tuarua, rangatahi, ākonga pakeke whaitau-katoa te tono mō tētahi kāri ID ākonga.
Ngā mea e hiahiatia ana
Me tāpiri he whakaahua ki tō tono mō tō kāri ID ākonga.
Me rite te āhua o ngā whakaahua ki ngā whakaahua uruwhenua.
Ngā whakaritenga whakaahua:
- He papa tuarongo mārama, māmā te tae
- He pai te mārama, kaua e tino pūata, pōuri rānei
- Kia kitea te mata katoa. Kaua tētahi mea (pēnei i te pōtae, te kōpare rānei) e huna i tētahi wāhanga o tō mata
- Ka taea te mau mōwhiti, te kōpare māhunga rānei
Me pēhea te tono
Ka whakaratoa e PlastiCard ngā kāri ID ākonga mō te nuinga o ngā ākonga o Te Kura.
Me tono, me utu hoki mō tō kāri tuihono.
Mō ngā ākonga o Ōtautahi anake
Mēnā he ākonga kura tuarua, rangatahi whaitau rānei koe i Ōtautahi, me tiki ake e koe tētahi puka tono motuhake, ka tuku tahi me tō utu ki te wāhi kua tohua i te puka.