Whakauru ināianei

Ko te mea tuatahi me mahi koe ina whakauru koe ki Te Kura, ko te whiriwhiri ko tehea momo akonga (akonga) koe. Mena ka raru koe, ka taea e koe te panui mo nga momo whakaurunga kei raro nei, me waea mai ranei ki a maatau ki te korero mo o whiringa.

Nga tono whakauru mo te tau 2024:

Whakauruhia ki konei mo nga Taiohi Pakeke.

Mo etahi atu tono whakauru mai i runga ipurangi i konei.

Tango ake me te imeera i tetahi puka whakauru.

E whai ana matou ki te whakahaere i nga tono whakaurunga i roto i nga ra mahi 10 ki te 15, engari ka rereke pea tenei i runga i te waa o te tau.

Mena kei te tono koe mo tetahi akoranga ipurangi, ka whiwhi koe i te imeera me nga tohutohu takiuru ina whakaaetia to rehitatanga.

Ngā momo whakauru

Mātauraunga kōhungahunga

Ko te ākonga kōhungahunga he ākonga:

  • kei waenga i te 2–6 ōna tau
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ka whakatutuki i tētahi o ngā paearu āheitanga kua takoto i Te Tāhuhu o Te Mātauranga.

Wā kikī

Ko te ākonga wā kikī he ākonga:

  • kei waenga i te 5–19 ōna tau (engari kāore e huri ōna tau ki te 20 i te tau o te whakaurunga)
  • e noho ana ki Aotearoa
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ka whakatutuki i tētahi o ngā paearu āheitanga mō te ako wā kikī kua takoto i Te Tāhuhu o Te Mātauranga.

Utu utunga

Ki te kore koe e māraurau i raro i ngā paearu a Te Tāhuhu o Te Mātauranga ki te whiwhi tūnga e utua ana i Te Kura, ka āhei pea te whakauru hei ākonga utu utunga.

Kei te āhua o tō tūnga hei kirirarau, tō wāhi noho, me te taumata o ō akoranga te rahi pū o ngā utu. Mo tērā tau maramataka anake ngā whakaurunga.

Kei tāwāhi

Ko te ākonga kei tāwāhi he ākonga:

  • kei waenga i te 5–19 ōna tau (engari kāore e huri ōna tau ki te 20 i te tau o te whakaurunga)
  • he kirirarau, he kainoho pūmau rānei o Aotearoa (kua noho i Aotearoa mō ngā tau piritata e rua, neke atu rānei)
  • ka whakatutuki i tētahi o ngā paearu āheitanga wā kikī o tāwāhi kua takoto i Te Tāhuhu o Te Mātauranga.

Taiohi

Ko te ākonga taiohi he ākonga:

  • kei waenga i te 16-19 ōna tau
  • e noho ana ki Aotearoa
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ehara i te wā kikī tana haere ā-tinana atu tētahi kura.

Ka āhei ngā ākonga kua whakaurua hei taiohi te noho whakauru tonu tae atu ki te mutunga o te tau kura e huri ai ō rātou tau ki te 19.

Mēnā ka huri ō tau ki te 20 i roto i te tau whakauru me tono rawa hei ākonga pakeke.

Pakeke

Ko te ākonga pakeke he ākonga:

  • e 20 neke atu rānei ōna tau i roto i te tau whakauru
  • e noho ana ki Aotearoa
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ehara i te wā kikī tana haere ā-tinana atu ki tētahi kura tuarua.

Māu e utu te utu whakahaere o te $116 mō ia marau. Mo tērā tau maramataka anake ngā whakaurunga.

Me whiwhi urunga rawa ngā pakeke e whakauru mai ana ki ngā akoranga tuihono ki tētahi pūrere tōtika me te tūhononga ki te ipurangi, nō reira me tiro i ā mātou whārangi marau kia mōhio ai mēnā he akoranga tuihono tō akoranga i mua i te whakauru mai.