Ngā mea e hiahia ana koe

Ko Te Kura he kaihautū o te ao ako tuihono. Me whai urunga ngā ākonga kua whakaurua ki ngā akoranga tuihono ki tētahi pūrere tōtika, ki te ipurangi anō hoki. He aratohu noa iho ēnei mōhiohio e whai ake. Kei tōu ake āhuatanga te kōwhiringa tino pai māu.

Tēnā pea me whakarato koe i āu ake rauemi, utauta rānei mō ētahi akoranga. Tirohia tā mātou whārangi marau me ngā akoranga kia mōhio ai ki ngā mea me matapaki ki tō kaitohutohu ako, kaiako rānei

Ngā mea e hiahia ana koe ki te ako tuihono

Pūrere tōtika

Ka mahi a Te Kura me te maha noa o ngā pūrere rerekē. Mēnā ka kōwhiri koe ki te hoko i te pūrere hou, mā tētahi kaihoko o tō rohe pea e whakarato tohutohu mō te pūrere pai rawa mā tō whānau.

Kaua e āwangawanga mēnā kāore he rorohiko i te kāinga – ka māraurau pea mō te āwhina rorohiko pōnaho me te ipurangi.

Kura tuarua (Tau 11–13)

Ko te pūrere tōtika mō te ako ko tētahi e taea ai e koe:

  • te uru ki te ipurangi me Tōku Kura
  • te hanga i ngā tāhopukanga ororongo me te ataata
  • te waihanga me te whakatika tuhinga, tae atu ki ngā ripanga kaute me ngā whakaaturanga.

Ko ngā kōwhiringa tino pai rawa ko tētahi rorohiko pōnaho, tētahi pukarangi, tētahi rorohiko papamahi rānei (e mōhiotia ana hoki hei Rorohiko Atamai) me tētahi pukumārō neke atu i te 80GB te rahi me te pūmahara neke atu ki te 4GB, nō te mea kei aua pūrere te nui ake o te taumahinga i ō te nuinga o ngā papahiko noa me ngā īPapa.

Te Ara Hou me te Kura Tuatahi (Tau 1–10)

Ko te pūrere tōtika mō te ako ko tētahi e taea ai e koe:

  • te uru ki te ipurangi me Tōku Kura
  • te hanga i ngā tāhopukanga ororongo me te ataata
  • te waihanga me te whakatika tohunga, tae atu ki ngā ripanga kaute me ngā whakaaturanga.

Ko ngā kōwhiringa tino pai rawa ko tētahi rorohiko pōnaho, tētahi pukarangi, tētahi rorohiko papamahi rānei (e mōhiotia ana hoki hei Rorohiko Atamai) me tētahi pukumārō neke atu i te 80GB te rahi me te pūmahara neke atu ki te 4GB, nō te mea kei aua pūrere te nui ake o te taumahinga i ō te nuinga o ngā papahiko noa me ngā īPapa.

Ko te painga o te pūrere kawe, ka āhei ngā ākonga me te whānau te ako i te huarahi, arā, te hopu whakaahua o ngā ākonga e mahi ana, te uru ki Tōku Kura me te whakamahi taupānga ka tautoko i ngā mahi ako.

Mātauranga kōhungahunga

Ko te pūrere tōtika mō te ako ko tētahi e taea ai:

  • e koe te uru ki te ipurangi me Tōku Kura
  • e koe te hanga tāhopukanga ororongo me te ataata (e wātea tuihono ana he pūmanawa koreutu)
  • e tō whānau te hanga me te takatā tuhinga ki te tautoko i ngā ako a tō tamaiti.

Ko ngā kōwhiringa tino pai rawa ko tētahi rorohiko pōnaho, tētahi pukarangi, tētahi rorohiko papamahi rānei (e mōhiotia ana hoki hei Rorohiko Atamai) me tētahi pukumārō neke atu i te 80GB te rahi me te pūmahara neke atu ki te 4GB, nō te mea kei aua pūrere te nui ake o te taumahinga i ō te nuinga o ngā papahiko noa me ngā īPapa.

Ko te painga o te pūrere kawe, ka āhei ngā ākonga me te whānau te ako i te huarahi, arā, te hopu whakaahua o ngā ākonga e mahi ana, te uru ki Tōku Kura me te whakamahi taupānga ka tautoko i ngā mahi ako.

Tūhononga ipurangi

Me whai ipurangi aunui, tētahi mea ōrite rānei, mō te ako tuihono. Ko te tūtohu nei, kia whai mahere raraunga o te 30GB i te iti rawa. Mēnā he nui ake i te kotahi ākonga e ako tuihono ana i tētahi kāinga, pokapū ako rānei, kia nui ake pea te raraunga ka hiahiatia, kei te āhua tērā o te tokomaha me te taumata tau o ngā ākonga. Ehara te tūhono ā-waea i te tōtika.

Ngā pūmanawa me ngā utauta

Ka whakarato a Tōku Kura i te maha o ngā momo pūmanawa me ngā utauta e hiahiatia ana e tō tamaiti kia ako tuihono, me ngā tohutohu mō te whakamahi. Kei roto i ērā atu pūmanawa koreutu me ngā utauta tuihono ka hiahiatia:

  • tētahi pūkete īmēra – Ka whakarato a Te Kura i te pūkete īmēra ‘Tōku Kura’ ki ngā ākonga.
  • Pūmanawa Microsoft koreutu.
  • tētahi pūtirotiro ipurangi – ko te Matāmura Kūkara (Google Chrome) te mea pai rawa: E kore te Pūhōpara Ipurangi (Internet Explorer) e mahi me Tōku Kura.
  • te pūmanawa tukatuka kupa – ka āhei te tikiake i ngā pūmanawa Microsoft koreutu. mā te whakamahi i tō pūkete Tōku Kura. Arā ētahi atu mōkī pūmanawa, pēnei i te Puku Kūkara (Google Drive), he koreutu mō te tikiake.
  • te pūmanawa takatā tuhinga PDF – e wātea ana ētahi kōwhiringa e taea ai e te whānau ki te tuhituhi tika ki runga i ngā kōnae PDF me te taiaki mahi me te tukuatu ki Tōku Kura hei tiritiri atu.
  • te pumanawa patu wheori.

E wātea ana i Tōku Kura ngā hononga ki ēnei me ētahi atu paetukutuku mō te tikiake pūmanawa kua tūtohutia.

Urunga ki tētahi pūreretā me tētahi matawai

He mea tino pai te whai urunga ki tētahi pūreretā me tētahi matawai. I ētahi wā, i ētahi akoranga me tuhituhi, me tātuhi rānei i ētahi o ō mahi ki runga i ngā pepamahi kua tāngia. Ka taea ēnei te tikiake i Tōku Kura me te tā.

Mēnā he ākonga wā kikī, he ākonga taiohi rānei koe kua whakaurua ki roto i ngā akoranga e toru, neke atu rānei, me te kore whai urunga ki tētahi pūreretā, ka āhei te tono kia whiwhi koe i aua pepa tā mā te mēra.

Rārangi arowhai

Anei he rārangi arowhai o ngā utauta, pūmanawa rānei ka hiahia pea koe. E tūtohu ana hoki kia utu rīanga me te whiwhi pūtāhui mō tō pūrere.

Ngā mea waiwai

 Tētahi pūrere tōtika: he rorohiko, he rorohiko pōnaho, he pukarangi, he rorohiko papahiko rānei.
Tētahi tūhononga ipurangi me te mahere raraunga (e tūtohu nei i te 30GB i ia marama)
He pūtirotiro ipurangi pēnei i te Matāmura Kūkara (Google Chrome), te Pokihamura Mozilla (Mozilla Firefox), te Raowao (Safari) rānei
He kāmetuku (he mea rō-tonu, he mea motuhake rānei i te pūrere)
Te pumanawa patu wheori
Ngā kawerongo mō ngā akoranga reo
Te pūmanawa takatā tuhinga PDF pēnei i te Adobe, PDF, Escape
Ngā pūmanawa tukatuka kupu pēnei i te Microsoft Office, Open Office, Google Drive, Office Works rānei
Tētahi pūkete īmēra pēnei i Tōku Kura, Gmail rānei
He pūkete Gmail hei uru atu ki Google Docs
He hopuoro (he mea rō-tonu, he mea motuhake rānei i te pūrere) mō ngā akoranga pēnei i ngā reo me te puoro e hiahiatia ai ngā tāhopukanga ororongo

Ngā mea e pai ana

 Pūreretā
Matawai
Kāmera matihiko (he mea motuhake, he mea rō-tonu rānei i tētahi papahiko, waea atamai rānei)
E pai ana ngā kawerongo mō ngā akoranga reo kore
Puku USB me te DVD
He pūpare pōrutu hiko (mō ngā pūrere ina purua ki te kōhao hiko)