Ngā utu
Kāore he utu whakaurunga mō ngā ākonga e tutuki ana i ngā paearu whakaurunga kua utua e te Tāhuhu o te Mātauranga.
Ko ō āhuatanga ake ka whakatau mēnā ka taea e koe te whakauru ki Te Kura hei ākonga utu.
Tirohia tā mātou rarangi utu kia mōhio ai koe ki ngā utu kaupapa ako mō ngā ākonga utu e noho ana ki Aotearoa, ki tāwāhi rānei.
Kōrero atu ki ā mātou Kaitautoko Ākonga me ā mātou Kaitautoko Whānau mēna kāre koe e tino mārama ana ki tō āheitanga ki te whakauru ki Te Kura.
Ngā ākonga wā tonu me ngā ākonga taiohi
Kāore he utu mo ngā ākonga wā tonu me ngā taiohi 16 ki te 19 te pakeke, kāore i tētahi atu kura.
Ki te eke tō pakeke ki te 20 tau i roto i te tau whakaurunga, me tono koe hei ākonga pakeke.
Ākonga pakeke
Ko ngā ākonga pakeke e 20 tau, neke atu rānei te pakeke, me utu i te $116 hei utu whakahaere mō ia akoranga.
Kāore he utu whakahaere mo ngā hōtakaTe Reo Māori me ngā Kaupapa Māori.
Mēna e aukati ana te utu whakahaere i tō ako i Te Kura, tēra pea ka āhei a Work and Income ki te āwhina i a koe.
Akoranga i te kāinga
Ka āhei pea ngā ākonga kei raro iho i te 16 tau, e whai ana i tētahi Tiwhikete Whakakore mai i te Tāhuhu o te Mātauranga kia ako ki te kāinga, ki te whakauru mai ki a mātou hei ākonga utu.
Mēna 16 ki te 19 tō pakeke, tēra pea ka āhei koe ki te kore utu i raro i tā mātou wāhanga ākonga wā tonu me te ākonga taiohi.
Ki te huri ō tau ki te 20 i te tau whakauru, me tono koe hei ākonga pakeke.
Tiro ki tā mātou puka mōhiohio kia kite koe i te utu mo ngā ākonga utu e noho ana i Aotearoa i tāwāhi hoki.
Ngā ākonga o tāwāhi
Ko ngā ākonga kāore e tutuki ana ngā paearu whakaurunga a te Tāhuhu o te Mātauranga, kāore e āhei ki te whakauru ki Te Kura hei ākonga utu, arā, hei ākonga kura tonu.
E whai ake nei ngā āhuatanga okotahi
• Ngā ākonga 16 tau, neke atu rānei te pakeke, he kirirarau nō Aotearoa, he kainoho pūmau rānei e noho ana ki tāwāhi, e ako ana i te NCEA.
• Ngā ākonga nō tāwāhi, ngā kirirarau o Aotearoa, ngā kainoho pūmau rānei e noho ana ki Aotearoa, kua rēhita ki tētahi kura (i ēnei āhuatanga, me rēhita te kura o te ākonga, ā, me utu i te utu e hāngai ana).
Tirohia tā mātou puka mōhiohio kia mōhio ai koe ki ngā utu kaupapa ako mō ngā ākonga utu e noho ana ki Aotearoa, ki tāwāhi rānei.
E hiahia mōhio ana ki ētahi atu take?
Ki te hiahia āwhina anō, whakapā atu ki ā mātou Kaitohutohu Tautoko Ākonga me te Whānau mā te waea 0800 65 99 88 (kōwhiria te kōwhiringa 1).