Ngā Ratonga Hauora Ā-hapori
Hauora niho
Ko ngā ākonga e noho ana i Aotearoa e tutuki katoa ana i te paearu whaimana, ka āhei ki te haere ki ngā whakaratonga niho kore utu tae noa atu ki tana huritau tekau mā waru (18).
Mēnā e hiahia mōhiohio atu anō ana koe, ki te tiro rānei ki te paearu whaimana waea atu ki te nama kore utu 0800 825 583, tiro rānei ki te paetukutuku a te Manatū Hauora.
Rongo ā-taringa
Me whakarite e koe he wā me tō rata ā-whānau ki te tiro ki ōu āhuatanga rongo ā-taringa.
Kitenga
Ka whakarato mōhiohio hoki te paetukutuku a te Manatū Hauora i ngā whakamātautau kitenga mā ngā ākonga.
Ka whakarato hoki tēnei paetukutuku i ngā mōhiohio e pā ana ki ngā moni āwhina ka tukuna mai hei utu mōhiti, whakamātautau karu me te whakatika hoki i ngā mōhiti.
Ka whai wāhi atu te paearu ki te hononga.
Ngā rauemi oranga mā ngā whānau me ngā ākonga
Ngā mōhiohio mō Te whakaweti kore i Aotearoa. Ka āwhina ēnei taonga ki te tautoko i ngā ākonga me ngā mātua, whānau hoki kua pāngia e tēnei whakawetitanga, kia mōhio ai rātou me aha rātou, me pēhea hoki te waihanga i tētahi taiao haumaru whakaweti kore.
Te tūāpapa hauora hinengaro kei konei ngā mōhiohio e pā ana ki ngā heipūtanga hauora hinengaro, kia whai āwhina hei tautoko hei whakatairanga i te hauora.
Te tautoko i ngā taiohi kua pāngia e te pōkaikaha, te anipā me te mate pāpōuri ngā aratohu i whakaputahia e Te Manatū Whakahiato Ora mā tētahi e tautoko ana i ngā taiohi ki te whai tautoko, ārahitanga hauora hinengaro.
Skylight – he rōpū mohihua-kore ā-motu tēnei. He rōpū tēnei hei āwhina i ngā tamariki, taiohi/whānau me ngā hoa i ngā wā e taumaha ana ngā whānau, e pōuri ana, e whakamomori ana hoki.
SPARX – he hōtaka rorohiko āwhina whaiaro tēnei i whakaritea mā ngā tamariki 12 ki te 19 te pakeke hei āwhina i ā rātou mēnā e pokea ana e te mate pāpōuri, te anipā, te pōkaikaha rānei.
Te ‘Lowdown’ – he paetukutuku tēnei hei āwhina i ngā taiohi o Aotearoa ki te tautohu i te mate pāpōuri me te anipā. He mōhiohio āwhina kei te paetukutuku nei mō te anipā, te mate pāpōuri (me ētahi atu raruraru tērā pea e hōkariri ana koe me ngā mea pēnei i te wehe atu i te kura, te hononga rānei me ō mātua):
- ngā ataata o ngā taiohi 13 e kōrero ana i ā rātou kōrero
- ngā tepe hei āwhina ki te whakatipu i te oranga hinengaro
- ngā whanonga hei whakakaha ake i te manawaroa
- ngā wāhi tuku āwhina
- he mōhiohio mā te tangata e māharahara ana mō tōna hoa
- he wāhi mauru mō ngā taiohi ki te toha i ā rātou kōrero i ō rātou wheako whaiaro me te tautoko i ō rātou hoa.
What’s Up? He whakaratonga tohutohu kore utu tēnei mā ngā tamariki me ngā taiohi. Kei tēnei paetukutuku ētahi āwhina nui mō te huhua ō ngā raru e waeatia ana ki a rātou pēnei i te whakaweti, i te noho mokemoke, te tūkino whānau, te mate pāpōuri me ngā hononga.
Youth Law/Te Ture Taiohi – he wāhi kore utu tēnei mō ngā tamariki me ngā taiohi puta noa i te motu. He pai tēnei wāhi hei āta tiro ki ō mōtika me te ture.
Te Ara Taiohi Whakatapua kia ora ai – he umanga tēnei ka mahi tahi ki ngā tāngata katoa ahakoa ko wai, ahakoa te ahurea, ahakoa ngā whakararu kei tōna whaioranga. Whakapā atu ki a rātou mēnā e āwangawanga ana koe – nui mai, iti mai - mā te tuku karere, īmēra, waea, kanohi ki te kanohi rānei.