Urupare Me Te Pūrongo
Ko te whakapūrongo i te kokenga whakamua o ngā akoranga mo ngā ākonga tētahi o ā mātou haepapa matua.
Ka puta te pūrongo i ngā wā katoa puta noa i te tau, ā, ka puta i ngā āhuatanga e toru hei whakaata i te whānuitanga katoa o te ako i Te Kura:
- he urupare mō ngā mahi kua tukuna mā te Dropbox, tae atu ki ngā hua NCEA
- he urupare whai wāhitanga, tae atu ki ngā mahi kua oti i ngā Huinga Ako, ngā ngohe Leaving to Learn, mā te wātaka ipurangi o ngā akoranga, ngā hōtaka ipurangi, me ētahi atu.
- he urupare i roto i My Korowai mō Ngā Mātāpono - ngā mātāpono o Te Ara Pounamu, me Ngā Āheinga, ngā ara whakaaro me te noho.
Ko Ngā Mātāpono ngā aratohu e ārahi ana i te mahi whakaako me te hoahoa akoranga, ā, ko ērā e whai ana mātou i te wā e mahi tahi ana me ngā ākonga me ngā whānau. Ka kitea i Ngā Āheinga ngā pūkenga ā-kaha, ngā āheinga me ngā ara whakaaro ka āwhina i ngā ākonga i roto i tā rātou ako, i roto hoki i ētahi atu taiao i tua atu i te kura tae atu ki te mahi, ngā mahi pāpori, ngā mahi hākinakina me ngā mahi ahurea - ngā mea katoa e mahi ana rātou i ō rātou oranga o ia rā.
Ka whakatenatena mātou i ngā whānau/kaitiaki kia noho tahi me ā rātou ākonga me te titiro ki ā rātou urupare/pūrongo haere tonu i roto i My Te Kura. Ka taea hoki e koe te takiuru ki My Te Kura motuhake ki te titiro ki ngā urupare me ngā pūrongo mō tō ākonga.
Ka whakamārama te ataata e whai ake nei i ētahi atu kōrero mō te pūrongo haere tonu me te āhua ki te uru atu ki tēnei i roto i My Te Kura.