Kōhungahunga

Ka tukuna e Te Kura he hōtaka takitahi, kore utu mā ngā ākonga mai i te rua ki te ono tau te pakeke.

Ka mahi ngā kaiako i te taha o koutou me ō koutou whānau ki te waihanga i tētahi hōtaka ako takitahi e hāngai ana ki Te Whāriki, te Marautanga Kōhungahunga o Aotearoa, me Te Ara Pounamu, tā mātou marautanga ā-rohe. Kua whakangungua, kua rēhita katoa hoki ā mātou kaiako.

 He tino pai ki tō mātou whānau te whai wāhi ki te hōtaka ECE o Te Kura me taku tamāhine. He mea whakamīharo, whaihua hoki te āhei ki te puta ki te taiao, me te whai wāhi tonu ki te ako, pānui, tuhi hoki i a mātou e noho tahi ana hei whānau. E kore e roa ka whai wāhi mai ā mātou tamariki pōtiki hoki ki tēnei hōtaka. Ka tino taunaki mātou i tēnei mā ngā whānau katoa.

Whānau Rapatini

Whakawhanaungatanga

Kei konei mātou ki te tautoko, ki te whakawhānui i ngā kaingākau me ngā kaupapa pakirehua a ngā ākonga. Mā te whakahoki kōrero auau me ngā tauira ako i waenga i te whānau, ākonga me te kaiako, ka taea e mātou te tautoko i te ako a te ākonga, me te whakapakari i te whaihua o te hōtaka.

I tua atu i te tuku ako tuihono, ka tukuna pea he rauemi tāpiri ki ngā ākonga hei tautoko i ā rātou akoranga, hei urupare hoki ki ō rātou kaingākau me ō rātou hiahia motuhake. Ka āhei hoki ngā whānau me ngā ākonga ki te kuhu ki tā mātou whare pukapuka o Te Kura.

Ka whakahaeretia hoki he kaupapa puta noa i te motu, e whai wāhi ai ngā ākonga ki te tūtaki ki ngā Kaiako me ētahi atu whānau kei te hōtaka.

Ka wātea ngā rauemi tuihono mā My Te Kura me Storypark, ā mātou taiao ako tuihono pāhekoheko. Ka tukuna ki a koe he urunga ki ēnei rauemi mā tētahi ingoa kaiwhakamahi me tētahi kupuhipa motuhake.

Paearu Whakaurunga

Ka wātea Te Ara Kōhungahunga ki ngā Tamariki mai i te rua ki te ono tau te pakeke, he kirirarau, e noho pūmau ana rānei ki Aotearoa, ā, ka tutuki tētahi o ēnei paearu:

Ka kitea ētahi atu kōrero i roto i te kaupapahere whakaurunga a te Tāhuhu o te Mātauranga.