Tautoko Akoranga
Ekea tō tāpuhipuhi
Whakatutuki i tō pitomata kia eke atu koe ki tō tiketiketanga.
Ko te Tautoko Akoranga ngā āwhina tāpiri e hiahiatia ana e ētahi ākonga ki te whai wāhi me te eke panuku i te mātauranga.
Ki a mātou, ko te tumu o te Tautoko Akoranga ko te whakauru i ngā ākonga, te whai wāhi o te whānau, me te whakamana i ngā kaimahi.
I Te Kura, ka urupare, ka whakanuia te kanorau me te rerekētanga i roto i ngā horopaki kura me te hapori.
Ko te Tautoko Akoranga i Te Kura e arotahi ana ki te ākonga, e hāngai ana ki ngā hiahia, he ngāwari, he whaiwhakaaro, ā, ka tikina atu i te whānuitanga o ngā tautoko mai i ngā horopaki kanorau o te whānau me te hapori.
Ka whāia e Te Kura tētahi huarahi rerekē hei whakataurite i ngā hiahia kua tāutuhia ki ngā tautoko ka taea.
Ka hiahia pūtea tāpiri ētahi momo Tautoko Akoranga, engari ka tukuna ētahi atu tautoko hei wāhanga i te tuku ako whaiwhakaaro a Te Kura.
Te tuku i te Tautoko Akoranga
He huarahi ā-rohe tā Te Kura ki te tuku Tautoko Akoranga. Mā tēnei tauira tuku ā-rohe e pai ake ai tā mātou tuku ki ngā ākonga me ngā whānau, mā te whakamahi i ngā whatunga ā-rohe me te whakatupu i ngā tikanga pai.
Ka mahi ngā Kaihautū Rōpū ā-Rohe Tautoko Akoranga me ngā ākonga me ngā whānau kia whai wāhi ki ngā tautoko e hiahiatia ana, ka tuku tohutohu ki ngā kaimanaaki me ngā kaiako, ka ārahi hoki i ngā kaupapa ā-rohe.
Ko ngā kaimanaaki te hunga whakapā tuatahi mō ngā ākonga me ō rātou whānau, ā, nā rātou te haepapa mō te whanaketanga, te tirohanga whānui me te māramatanga o tā rātou hōtaka ako.
He pūtea hei tautoko i ngā ākonga
Ka tukuna e ngā tari o waho (pērā i te Tāhuhu o te Mātauranga, ACC me Oranga Tamariki) he pūtea mō ngā rauemi me ngā kaimahi tāpiri hei tautoko i ngā ākonga whai hiahia uaua rawa.
Tērā pea ka wātea he pūtea ā-roto hei utu i ngā kaiāwhina kaiako, ētahi atu tautoko rānei pērā i te SAC (Ngā Āhuatanga Aromatawai Motuhake mō NCEA).
Tēnā kia mōhio mai kāore te pūtea Tautoko Akoranga e wātea mō:
- Ngā ākonga akoranga-rua kua rēhita mā te Tomokanga Tautoko Akoranga. Kei te kaiwhakarato Akoranga-rua te haepapa mō ngā Tautoko Akoranga whai pūtea.
- Ngā ākonga pakeke (ngā ākonga ka 20 tau i te tau o te whakaurunga), hāunga i te ākonga whai pūtea Kaupapa Rauemi Haere Tonu (ORS), he Whakaaetanga Mātauranga Motuhake rānei kia haere tonu ki te kura i muri i te 19 tau.
- Ngā ākonga utu.
Ki te mōhio mō te tautoko akoranga
- Mēnā he kaimanaaki tōu i Te Kura (kaitohutohu akoranga), kōrero ki ā ia mō ngā tautoko tāpiri.
- Ranei, whakapaa atu ki to mangai rohe kei raro iho nei.
Ngā Whakapā ā-Rohe
James Ryan – Te Rohe ki te Raki
Īmēra: James.Ryan@tekura.school.nz
Darron Cutler- Te Kāhui Hauāuru
Īmēra: Darron.Cutler@tekura.school.nz
Tamla Smith - Te Kāhui Rāwhiti
Īmēra: Tamla.Smith@tekura.school.nz
Mitch Neilson –
Te Rohe o te Puku me te Tonga
Īmēra: Mitch.Neilson@tekura.school.nz
Judy Cooke – Te Rohe ki te Tonga
Īmēra: Judy.Cooke@tekura.school.nz
Puti Mareroa - Te Aka Taumatua
Īmēra: Puti.Mareroa@tekura.school.nz