Ngā ākonga ō tāwāhi
Te timatanga ki Te Kura: Ko nga tauira o tawahi
Ka whakarato mātauranga a Te Kura e pā ana ki te Marautanga o Niu Tīreni ki ngā ākonga tau 1-13, e noho ana e hāereere ana i tāwāhi.
Ko ngā hōtaka e tuku ana mātou he hōtaka whakawhaiora, hangore hoki e whakatutuki ai i ngā hiahia me ngā matea motuhake ō ia ākonga.
He maha ngā take e whakauru mai ai ngā ākonga ō tāwāhi -he ākonga whakawhiti pea, he tāngata hākinakina, he kaikanikani hīteki, he tamariki kei tāwāhi ngā pākeke e mahi ana, he tamariki kei te hāereere haere ngā pākeke i te ao.
He ākonga tino pukumahi ngā ākonga o Te Kura, engari ka whai kaha tonu rātou kia angitu i roto i ā rātou whai mātauranga.
Ko wai ka āhei ki te whakauru mai
Ki te whakauru mai hei ākonga tāwāhi me:
- rima tau (5) ki te tekau mā iwa (19) tō pakeke (kaua e huri ki te rua tekau (20) i te tau e whakauru mai ana)
- me pūmau tō noho i Aotearoa, me kirirau hoki koe ō Niu Tīreni (kua rua (2) tau neke atu rānei tō nohonga i Niu Tīreni)
- Me tutuki i a koe te paearu arotau kaupapa here kua whakaritea e te Tari Mātauranga.
Tō akoranga
Ka tukuna ngā mahi whakaako mā runga ipurangi mā roto mai i tā mātou akoranga tuihono My Te Kura, ka tāpiritia atu ki ētahi atu kaiwhakarato mātauranga ā tuihono.
Ka whakaako mātou mā te huarahi kōwae me ētahi atu rauemi pēnei i te patapātai, taonga oro, ataata me ngā ngohe hai mahi e taea ai te mahi me te kore rorohiko.
Rapua ētahi atu akoranga tuihono.
Mēnā kāore anō koe kia whakauru mai, ko te whakahau ki a koe me tiro koe ki tā mātou whakaaturanga My Te Kura. Titiro ki ētahi tauira ō ā mātou hōtaka tuihono, kia kite ai koe he pēhea te ako ā ngā ākonga Tau tahi (1) ki te tekau mā toru (13) i te My Te Kura.
Ngā ākonga e whakamātautau NCEA ana
Ka āhei ngā ākonga o tāwāhi ki te whakamātautau i ngā aromatawai rāwaho, mēnā ka ea i a koe ētahi wāhanga here:
- e noho ana koe i tāwāhi i te wā ō ngā whakamātautau NZQA I Niu Tīreni ( tata ki te tīmatanga o Noema ki te Tīhema)
- he ākonga ukiuki, he ākonga ō tāwāhi utu pūtea
- ka ea i a koe ngā whakaritenga NZQA pēnei i te whakarite kaimanaaki e tika ana.
Ka whakahaeretia ngā whakamātautau o tāwāhi hai waenganui o Oketopa, ā, ka rito mā Te Kura e whakarite. E kore koe e āhei ki te whakamātautau karahipi o Niu Tīreni i tāwāhi. Kei te paetukutuku o te NZQA ētahi atu pārongo.
Ngā mea me whiwhi koe
Ki te ako ā-tuihono e tūtohu ana mātou me:
- whai taonga hiko, rorohiko kia taea ai e koe te ipurangi hei whakauru ki te My Te Kura
- whai wāhi hono ipurangi kia 30GB te kaha mōkito o te mahere raraunga
- whai wāhi ki tētahi pūreretā me tētahi matawai.
Titiro ki tā mātou rārangi mō ngā taputapu e tūtohutia ana kia pai ai tō ako ā-tuihono.
Me pēhea te tono
Mēnā he ākonga arotau koe, ka āhei koe ki te whakauru mai ā-tuihono, me tikiake rānei e koe he pepa whakauru.
Haere ki te Whakauru mai ināianei.
Ki te ako i ētahi atu
Whakapā atu ki tō mātou tīma o tāwāhi mēnā he pātai āu e pīrangi ana rānei koe kia mōhio ki ētahi atu mōhiohio i mua i te whakaurutanga.
Īmēra:
overseas@tekura.school.nz/tāwāhi@tekura.kura.nz
Waea: +64 4 473 6841, pātai atu mō te mēnetia, mō tētahi ō ngā kaiārahi o te tīma rānei