Tohu Mātauranga
I raro i te Anga Tohu Mātauranga o Aotearoa (NZQF), ka taea te waihanga hōtaka akoranga kia whai wāhi ngā whiwhinga kua riro ki ngā tohu mātauranga maha. Ki Te Kura, ka tukuna e mātou ngā tohu NCEA i ngā Taumata 1–3. Ka kitea ngā whakamārama taipitopito mō ēnei tohu mātauranga i tō mātou paetukutuku, i te paetukutuku rānei o Te Mana Tohu Mātauranga o Aotearoa (NZQA) ki https://www2.nzqa.govt.nz/
Te Tohu Mātauranga ā-Motu
I te tau 2024 ka panoni ngā whakaritenga NCEA, pānuitia ngā panonitanga i te paetukutuku NCEA. Me whai ngā ākonga e rēhita ana ki tētahi akoranga tau-kotahi mō Te Tohu Mātauranga ā-Motu (NCEA) ki te whiwhi 18–20 whiwhinga. Ka hiahiatia tēnei kia 200 hāora o te wā ako mo te ākonga.
He mea nui kia whai kupu āwhina ngā ākonga mai i ō rātou kaiako, kaimanaaki me/rānei ngā kaimahi tautoko ākonga kia kōwhiria he hōtaka akoranga taurite e hāngai ana ki ō rātou wawata me ō rātou pūkenga. Tērā pea ka whai tētahi hōtaka akoranga tika i ngā akoranga puta noa i ngā marautanga maha, i ngā taumata NCEA maha rānei.
Kia whiwhi i te NCEA Taumata 1, me whai ngā ākonga i te 60 whiwhinga. Ka taea ēnei whiwhinga te whakatū mai i ngā paerewa kōwae me ngā paerewa whakatutukitanga i tētahi taumata. I tua atu i tēnei, me whiwhi hoki ngā ākonga i te 10 whiwhinga reo matatini me te 10 whiwhinga pāngarau.
Kia whiwhi i te NCEA Taumata 2, me whai ngā ākonga i te 60 whiwhinga i te taumata 2, ki runga ake rānei. Me whakatutuki hoki rātou i ngā whakaritenga reo matatini me te pāngarau o te NCEA Taumata 1.
Kia whiwhi i te NCEA Taumata 3, me whai ngā ākonga i te 60 whiwhinga i te taumata 3, ki runga ake rānei. Me whakatutuki hoki rātou i ngā whakaritenga reo matatini me te pāngarau o te NCEA Taumata 1.
Ngā whakaritenga reo matatini me te pāngarau
Ko ngā paerewa e tukuna ana ki Te Kura e tatau ana ki ngā whakaritenga reo matatini me te pāngarau NCEA Taumata 1 ka tautuhia i roto i ngā whakamārama akoranga.
- Reo Matatini – Tētahi o ēnei he 10 whiwhinga iti rawa mā ngā aromatawai pānui me te tuhituhi tukutahi, he kete o ngā paerewa kōwae reo matatini e toru he 10 whiwhinga iti rawa rānei mā ngā paerewa whakatutukitanga motuhake
- Pāngarau – Tētahi o ēnei he 10 whiwhinga iti rawa mā te aromatawai pāngarau tukutahi, he kete o ngā paerewa kōwae pāngarau e toru he 10 whiwhinga iti rawa rānei mā ngā paerewa whakatutukitanga motuhake
Pāwhiritia a konei mō tētahi rārangi katoa o ngā paerewa reo matatini me te pāngarau. Tēnā koa kia mōhio ko te kete o ngā paerewa reo matatini e toru me ngā paerewa pāngarau e toru e wātea ana anake ki ngā ākonga kua rēhitatia ki ngā kaiwhakarato e whai mana ana.