Tau 1-10
Ko Te Ara Pounamu kei te ārahi i ngā akoranga o ngā tau 1 ki te 10, ā, ka whakaurua hoki ngā āheitanga matua me ngā wāhanga akoranga e waru o te Tāhūrangi. Ka tuku atu hoki mātou i ngā wāhanga akoranga o Te Mātaiaho ( Tāhūrangi kua whakahoutia), ka puta mai ana.
Ka whai wāhi atu te ākonga ki tētahi kaimanaaki, ā, ka mahitahi te kaimanaaki me te ākonga me tōna whānau hoki ki te waihanga i tētahi mahere ako whaiaro e whakaute ana i tōna tuakiri, i tōna reo me tōna ahurea, e whaipānga ana ki ōna hiahia, āheitanga me ōna matea ako. I te nuinga o te wā ko te kaimanaaki anō hoki ngā kaiako o te hōtaka ako a te ākonga tau 1 ki te 10.
Ka tautokona te hātepe whakawhanake mahere ako whaiaro e ‘My Korowai.’ Ka ārahi te My Korowai i te ākonga ki te toha, whakawhanake me te huritao i ōna akoranga, hiahia me āna whāinga i roto i te My Te Kura.
E taea ana te whakarite i ngā mahere ako whaiaro hei wheako whaiaro tukutahi hei tukutahinga kore rānei. Ka akiaki mātou i ngā ākonga katoa kia hono ki ō rātou hapori ako mā te whakauru ki ngā tuihono Huinga Ako ki ngā akoranga kanohi ki te kanohi rānei.
