Tūhura

« Tau 1-10

Mā te ako mā roto mai i ngā kaupapa mahi e akiaki te ākonga ki te kōwhiri, ki te whakamahi i tōna reo me āna kawenga, ā, ka tautoko hoki i te whanaketanga o te ako takitahi. Ka tautuhi te ākonga i te mea e whakahihiri ana i ā ia, e hiahia ana hoki ia ki te ako. Me whai whakaaro rātou ki ngā mea e mōhiotia ana e rātou. Me whai hoki i tētahi hātepe tūhura ki te whakatau he aha ngā mea me mārama rātou, me mōhio rātou ki te mahi kia tutuki ai ia kaupapa.

E whā ngā kaupapa rerekē hei kōwhiri mā rātou. Ka whanake ngā pūkenga hou me ngā pūkenga mārama o te ākonga ki a ia anō mā roto mai i ōna wheako whaiaro ārahitanga. Ko ētahi kaupapa, he kaupapa mahitahi, mahi ā-rōpū, ko ētahi he kaupapa mahi takitahi. Ka āhei te ākonga ki te kōwhiri kia kotahi neke atu ngā kaupapa i ā ia e waihanga ana i tāna hōtaka ako.

Ka wātea ngā kaupapa EXPlore ki ngā ākonga ukiuki hei te wāhanga tuatoru o te tau 2024. Me matapaki te ākonga me tōna kaimanaaki i te tuatahi i mua i te tīmatanga i tētahi kaupapa.

Ngā kaupapa whakamere

Ka āhei ēnei momo kaupapa i te ākonga ki te kawe i tētahi uiuitanga ō tētahi wāhanga e tino ngākaunui ana ia.

Ngā kaupapa whakaaro hoahoa

Ka whai te kaupapa whakaaro hoahoa i te hātepe whakaaro hoahoa, ā, ko te otinga atu ko te hoahoatanga o tētahi taonga.

Ngā kaupapa mahi hapori

Ka āhei ngā kaupapa mahi hapori i ngā ākonga ki te uiui tahi me te mahitahi ki ō rātou hapori.

Ngā Kaupapa Whānui

Me tūhura ngā ākonga i tētahi wāhanga e pai ana ki a ia, mā te rangahau me te whakamahi i ōna wheako taunaki i roto i te hapori.