Rorohiko pōnaho me te tautoko ipurangi

Mēna kei runga penihana koe, he iti noa tō pūtea, ā, kāore rānei koe e whai wāhi ki te ipurangi ki tētahi rorohiko hoki, ka āhei koe ki te tono āwhina hei utu i ēnei taputapu.

Kāore Te Kura e whiwhi tahua hei whakarato rorohiko, ipurangi hoki ki ā mātou ākonga katoa. Heoi anō, ka whakamātau mātou ki te āwhina i te tokomaha o ngā ākonga e hiahia āwhina ana.

Ko wai ka whakawhiwhia?

Ka āhei ngā ākonga wā tonu ngā ākonga taiohi e noho ana i Niu Tīreni, kua whakauru ki ā mātou hōtaka Kura Kōhungahunga, Kura Tuatahi, Te Ara Hou. Ka āhei hoki ngā ākonga kua whakauru ki ngā hōtaka tuihono e toru neke atu ki ngā hōtaka NCEA hoki.

Ka āhei pea te whakaaetanga tonu mā ngā ākonga, mā ngā tāngata rānei e whai haepapa ā-pūtea ana mō te ākonga, e whiwhi ana i tētahi painga mai i Work and Income, e whai rānei i tētahi Kāri Ratonga Hapori.

Te mea ka whiwhi koe

Ko ngā ākonga e whai āwhina ana mō tētahi rorohiko me te āheitanga ki te ipurangi ka whiwhi:

Ka āhei pea ngā ākonga kua rēhita mā te noho tawhiti, mā te haerēre rānei, ki te whiwhi i tētahi atu $30 tāra ia marama.

Me pēhea te tono

Mēna e whakaaro ana koe ka whai wāhi koe ki ngā āwhina e whai rorohiko ai koe e whiwhi ai hoki koe i te ipurangi, ka āhei koe ki te tono ā-tuihono, ā, me tikiake hoki e koe ngā pepa tono.

Ki te kore e taea e koe te tono ā-tuihono, ā, he pātai rānei āu, kaua e whakaroa ki te whakapā mai ki a mātou i te nama 0800 65 99 88 (tīpakotia te kōwhiringa 1) ki te tono mā te waea, pātai mai rānei mo tētahi pepa tono kia tukuna atu ki a koe. Īmēra mai rānei ki a mātou i hub@tekura.school.nz

Ngā pūkete pūtea e hiahiatia ana

I mua i te whakauru pūtea āwhina mo te ipurangi ki tētahi pūkete pūtea, me whai taunakitanga rawa mātou o te pūkete pūtea. Kei raro iho nei e rārangi ana ngā taunakitanga me whakauru mai ki ngā tono katoa.

Ngā Taunakitanga Pūkete Pūtea e whakaaetia ana

Tētahi ō ēnei e whai ake nei:

Ngā tepe a muri ake

Ka whakamōhiotia atu koe mēna i whakaaetia i whakakāhoretia rānei tō tono mā tētahi īmēra, reta rānei.

Whakaaetanga āwhina rorohiko

Mēna kua whakaaetia he taputapu tika māu, tēra pea e toru ki te tekau rā mahi rāno te whakarite i mua i te tukutanga atu ki a koe.

Ka tukuna atu ngā rorohiko me ngā paparorohiko mā te karere, ā, me haina rawa ka tae atu ana ki a koe. Kāore te karere e waiho i te taputapu ki tō kāinga noho mēna kāore he tangata i te kāinga.

Whakaaetanga mo te āwhina ā-ipurangi

Mēna ka whakaaetia tō tono āheitanga ki te ipurangi, ka utua atu e Te Kura ki tō pūkete pūtea.

Mēna kāore ō hononga ipurangi i te kāinga, me whakarite koe ki te kaiwhakarato ipurangi e hiahia ana koe.

Mēna kāre koe i te tino mōhio he aha ngā ratonga ipurangi e wātea ana i tō rohe, tirohia a glimp.

Te tono kia whakakīhia ake te ipurangi

Ki te tono mo te whakakī ake i te ipurangi, īmēra atu ki ruralsubsidy@tekura.school.nz, pōhitia mai rānei he reta ki a mātou e whakaatu mai ana i tō āheitanga ki te paearu mohoaotanga ā -whenua

Ka āta arotaketia tō tono, ā, ka whakamōhio atu mātou i te putanga iho.

Ngā āhuatanga motuhake me te arotake whakaritetanga

I ngā āhuatanga motuhake, tēra pea ka whakaaetia ngā tono e Te Kura mā ngā ākonga, kāore e eke ana ki te paearu māraurau.

Ki te whakauru tono mai, kōrero ki tō kaimanaaki, ki tētahi atu kaimahi rānei e pono ana.

Ko ngā āhuatanga motuhake ka whakaarotia:

  • ko te whakapāwera ahumoni
  • ko te panonitanga o ngā whakahaere whaiaro o te whānau
  • ko tētahi aituā taiao, ētahi atu ohotata hoki
  • he penihana, he Kāri Ratonga ā-hapori kua whakaurutia ēngari kāre anō kia whakaaetia.

Ko te whakaritenga whakamutunga mā te Tumuaki Tuarua Kaiwhakahaere o te wāhanga Learning Delivery/Tuku Mātauranga me te Mēnetia ā-Rohe e whakatau.

Te Whakaputanga o ngā Kupu me ngā Tikanga

Tēna koa tirohia ngā whakaputanga Kupu me ngā Tikanga kei runga i te taputapu me te pepa tono hononga.

E mārama ana ahau:

  • Ko ngā mōhiohio katoa kua tukuna mai, e tika mārika ana ki tōku mōhiotanga, ā, e mārama ana hoki ahau tēra pea ka wawe te tāputia o te āwhina ipurangi mēna e hē ana ngā mōhiohio kua whakaratotia mai.
  • Mō te kaupapa o te aromatawai i tēnei tono, ka rapu whakatūturutanga Te Kura i ētahi atu pokapū kāwanatanga ō ngā taipitopito kua whakaratotia e mātou.
  • Kāore te ākonga kua whakaingoatia atu nei e whai wāhi ana ki tētahi taputapu me te hononga ipurangi, ā kāre hoki ō mātou āheitanga ki te whakarato taputapu me te hononga ipurangi ki a ia.
  • Mā te kaitono tonu e utu te hononga ipurangi mā te ākonga kua whakaingoatia, ā, ka whai wāhi hoki ki tētahi moni āwhina.
  • E whakaae ana mātou ki te haepapa e whakarite ana i te āhei o te ākonga kia whai wāhi noaiho ki ngā rārangi take kei te ipurangi, ā, e aro ana hoki ki te kaupapa here matihiko kirirarautanga a Te Kura.
  • Me tutuki rawa i te ākonga kua whakaingoatia nei āna mahi kura ia rua wiki i runga i te tuihono ako, My Te Kura. Ki te kore e tutuki ka āhei mātou ki te whakahoki mai i te rorohiko, ki te whakamutu hoki i te moni āwhina i te hononga.
  • Ka tohaina ana he taputapu, me pai te manaaki kia kore e tāhaetia, kia kore hoki e pakaru. Kāore e rīwhitia e Te Kura ngā taputapu ka tūkinotia.
  • Ka rīpoatia tuatahitia ngā taputapu kua tohaina ki Te Kura. Whakapā atu ki hub@tekura.school.nz, waea atu rānei ki 0800 65 99 88, kōwhiringa 2
  • E whakaae ana ahau ki te rīpoata ki ngā Pirihimana i roto i te whitu rā, mēna ka whānakotia te taputapu. Ka tuku hoki i tētahi kapi o te rīpoata a ngā Pirihimana ki Te Kura. Kāore e rīwhitia e Te Kura ētahi taputapu ka whānakotia ka ngaro rānei ka kore ana he kapi o te rīpoata a te pirihimana.
  • E whakaae ana ahau ki te rīpoata i ngā whakakino me ngā ngarohanga taputapu ki Te Kura i roto i ngā haora 24. Ka hoatu hoki i ngā taipitopito katoa o ngā āhuatanga. Me whakahoki katoa ngā taputapu whakakino ki Te Kura kia āhei ai te toha i tētahi atu taputapu.
  • E whakaae ana ahau ki te tere whakamōhio atu i Te Kura mēna kua kore kē te ākonga i te ākonga wā tonu, ā, kāre hoki e tika ana kia noho tonu i Te Kura,i te mea hoki kua whakakore kētia tana whakaurutanga. E whakaae ana hoki ahau, ka whakahokia te taputapu, ka tāpu hoki te moni āwhina hononga a tōna wā.
  • E mārama ana ahau ka whakaurua he kaiwhaiwhai taiwhanga me te pūmanawa rorohiko mamao ki te taputapu kia taea ai te whakarato tautoko mamao, kia kore ai hoki e ngaro. Ko ngā mōhiohio whaiaro kua whakakaotia e Te Kura me ōna kaiwhakarato mo tēnei kaupapa, ka whakahaeretia e ai ki ngā ture whakahaere o te Privacy Act 2020.

Ētahi atu āwhina

Tēra pea ka āhei koe ki te whakauru ki te hōtaka matihiko pānui a te Trust 20/20.

Ko ngā whānau kāre he hononga ipurangi, he tamariki 18 te pakeke ka āhei ki Spark Jump pre-pay broadband

Ka āhei ngā whānau ki te rēhita i ō rātou hiahia whakauru atu ki te hōtaka 20/20 mā te tuku īmēra me ō rātou ingoa me ngā taipitopito whakapā ki a kristina.parbhu@2020.org.nz mā te waea atu rānei ki a ia i te waea 0800 272 020 i waenga i te 9am ki 3pm i ngā rā o te wiki. Tēra pea me whakauru rawa atu ngā tāngata ki tētahi whakangungutanga ipurangi mo te hāwhe rā.

Me ako mō te Spark Jump pre-pay broadband.

Te wehe atu i Te Kura

Ka āhei noaiho koe ki te āwhina rorohiko me te ipurangi i te wā kei Te Kura koe. Ka whakawātea ana koe mai i Te Kura ka whakarite mātou kia whakahokia mai te rorohiko, ā, ka whakamutuhia hoki te āheitanga ki te ipurangi.