Ko wai ka āhei te whakauru?
Ko ngā ākonga kei te rārangi ingoa o Te Kura he hunga nō ngā horopaki huhua. Kei roto i a rātou ngā ākonga:
- e noho ana i ngā whānau kei ngā wāhi tūmatawhānui, e noho haere ana, e noho ana rānei ki tāwāhi.
- kua tukuna e te Tāhuhu o te Mātauranga ki Te Kura hei tautoko i tō rātou whai wāhi me tō rātou oranga, nā te mea e tūraru ana rātou ki te kore e whai wāhi ki te kura, nā ngā mate ā-hinengaro, ā-pāpori rānei, te kore rēhita ki tētahi kura, kua panaia, kua panaia tūmautia hoki.
- Kua hapū,he mātua taitamariki rānei
- kua tukuna mai e Oranga Tamariki, e te Tari Whakatika rānei.
- he hākinakina, he kanikani, he pūoro, he mahi toi, he kaitākaro taumata teitei, he kaihaka rānei, ā, nā ō rātou herenga ki ēnei mahi, kāore e taea e rātou te whai i tētahi wāhanga ako kura auau.
- he ākonga 16 tau neke atu te pakeke, ā, e hiahia ana ki tētahi wāhanga tuarua ki te whakaoti i ō rātou tohu kura tuarua.
- kāore e taea te haere ki tētahi pokapū mātauranga kōhungahunga ā-rohe nā te tawhiti me te noho wehe, nā te nui o te hiahia rānei i te iti o ngā wāhi e wātea ana i tō rātou takiwā.
Ka taea hoki e ngā ākonga kua rēhita kē ki tētahi kura te rēhita ki a mātou mēnā e hiahia ana rātou ki te ako i ngā akoranga kāore i te whakaratohia e tō rātou ake kura. E mōhiotia ana ēnei ākonga he ākonga takirua
Ki te hiahia mōhio koe mēnā e āhei ana koe, tō tamaiti rānei, ki te ako i Te Kura, pānuihia te kaupapahere whakaurunga a te Tāhuhu o te Mātauranga, whakapā atu rānei ki tētahi o ā mātou kaitohutohu i te rōpū Tautoko Ākonga me te Whānau mā te waea 0800 65 99 88 (kōwhiria te kōwhiringa 1).