Whakarerea Ki Te Ako

« Kura Tuarua

Whakarerea Ki Te Ako

Hei wāhanga o te ara ako Whakaahua Nui a Te Kura, ka taea e ngā ākonga whaitau-katoa Tau 11 ki te 13 me ngā ākonga pakeke-taiohi te wheako i ngā akoranga ki ngā whare wānanga, ki te taiao mahi rānei e hāngai ana ki ō rātou hiahia umanga.

Ka āwhina tēnei i ngā ākonga ki te whakapakari i te mātauranga, te māramatanga me ngā pūkenga mō tā rātou kaupapa i whiriwhiria, i a rātou e whai ana i tētahi tohu whaihua.

Mā tō kaimanaaki o Te Kura koe e āwhina ki te tautuhi i ngā whai wāhitanga STAR, Kura Mahi ā-Rehe, Mahi Ako, Tomokanga mahi rānei i tō hapori e hāngai ana ki ō hiahia.

Ko ngā ākonga kua rēhita akoranga-urungarua ki Te Kura me whakarite i ngā huarahi whare -wānanga, kura tuarua me tō rātou kura matua.

Te Whakaaetanga o ngā Raihana Taraiwa o Aotearoa

Ka taea e ngā ākonga o Te Kura te tono whakaaetanga mō te whiwhi i ngā taumata rerekē o te Raihana Taraiwa o Aotearoa. Ka taea te tono whiwhinga NCEA mā te tiki i tēnei puka, te whakakī, me te īmēra tahi me tētahi whakaahua o te raihana ki driverslicence@tekura.school.nz

Pānuihia ētahi atu o ō kōwhiringa ako:

Tomokanga

He hōtaka wheako mahi te Tomokanga mō ngā ākonga tuarua pakeke.

Mā te Tomokanga, ka taea e koe te wheako i te ao mahi i a koe kei te kura tonu, te ako i ētahi pūkenga me te whiwhi paerewa waeine i te wā kotahi.

Ko wai e āhei ana ki te tono?

Ka taea e ngā ākonga whaitau-katoa i te Tau 11-13 te tono mō tētahi wāhi i te Tomokanga.

Tērā tētahi arotahi ki te ako whakahaere-whaiaro, nō reira me whai ngākau nui, me hihiri, me rite ngā ākonga ki te mahi.

He aha ngā tohu ka whiwhi koe?

Ka waihangatia he Mahere Ako Gateway motuhake mō ia ākonga mā te whakamahi i ngā paerewa kaupapa me ngā paerewa ahumahi o Te Kura e hāngai ana ki te wāhi mahi o te ākonga.

Ka whakaratohia e ia Mahere Ako Gateway kia 20 whiwhinga, neke atu rānei.

Ka pēhea te mahi?

Ka haere koe ia wā, ki tētahi wāhi mahi e ngākau nui ana koe.

Kei raro nei ngā ahumahi kua whakaurua ā mātou ākonga, engari tērā pea ka taea te mahi i tētahi atu wāhi - me whakamōhio mai i tāu e hiahia ana.

  • Waka
  • Hanga whare
  • Mahi pāmu
  • Kōhungahunga
  • Hiko
  • Hoiho (ahumahi hoiho)
  • Manaaki tangata
  • Hokohoko

I te roanga o te hōtaka, ka whiwhi koe i te whakangungu me te āwhina mai i tētahi kaiārahi i te wāhi mahi. Me whakaoti anō e koe tō Mahere Ako Gateway 20 ngā whiwhinga. Ka whai wāhi tēnei ki te mahi ariā, ā, i ētahi wā ko ngā mahi ā-ringa ka aromātaihia i tō wāhi mahi. I te nuinga o te wā, kāore he utu mō te whakauru Gateway.

Me pēhea te tono?

Mēnā he hiahia tōu, kōrero ki tō kaimanaaki, kātahi ka īmēra ki te rōpū Youth Transitions.

Ahakoa ka taea te tono i ngā wā katoa, he iti ngā tūranga Gateway, nō reira me tono wawe mai.

He kōrero anō mō Gateway

Mō ētahi atu kōrero mō Gateway, kōrero ki tō kaimanaaki, kātahi ka īmēra ki te rōpū Youth Transitions.

Ngā kōrero whakaatu

I pai ki ahau te whiwhi whiwhinga mā te mahi i ngā mea e aroha ana au, arā, te haere ki te pāmu. He āwhina nui anō mōku i te mea i āhei ahau ki te ako i ngā mea hou hei āwhina i taku whāinga ki te haere ki Otiwhiti (he kura whakangungu ahuwhenua) Waihoki, he pai te wheako mahi mō te ao tūturu.

 Shiann, Hōtaka pāmu Gateway Primary ITO

Ko tāku e tino pai ai ko te āhei ki te whakarite i te kura kia hāngai tika ki ōu hiahia; ko ngā kaupapa e āwhina ana i ahau, kaua ko ngā kaupapa noa kāore e hāngai ana ki tāku e hiahia ana.

 Tom, Gateway ki te Rēhia Rererangi

I whiwhi mātauranga ahau mō te whakahaere pakihi nui pērā i Te Ware Whare, tae atu ki te ako mō te whakahaere kaimahi me te whakahaere rawa. Nā te nui o te mahi, he nui te mātauranga me te wā e mārama ai he pēhea te āhua o te mahi katoa.

 Shannon, hōtaka Red Shirts in Schools

I tino pai ki ahau te āhei ki te whai whiwhinga i āu e ako ana i ngā pūkenga hira, hāngai hoki. He nui ngā huarahi whai wāhi i te hōtaka Gateway. I āhei ahau ki te mahi i ngā akoranga whakaora tūroro pai rawa atu, ā, i āwhina hoki i ahau ki te whakarite mō taku raihana ako. He whakaaro pai ki te mahi taupua, he rite ki te mahi tauhou. Ka tūtohu ahau i a Gateway nā te mea he nui ngā momo akoranga e wātea ana.

 Beth

STAR

Mēnā he ngākau nui koe ki tētahi umanga motuhake, tērā pea ka āwhina tētahi akoranga STAR ki te whakatau mehemea he tika māu. Ko ngā akoranga STAR he akoranga poto ka tū ki ngā whare wānanga, ki ngā whare whakangungu motuhake rānei mā ngā ākonga kura tuarua. He nui ngā akoranga STAR kei ngā kaupapa maha. Ko ētahi o ngā akoranga rongonui rawa ko te Tapahi Makawe me te Whakapaipai, Waka, Hanga Kawhe, me te Papatono Rorohiko.

Ka pēhea te mahi?

Ka whai wāhi koe ki tētahi hōtaka poto mō ētahi rā, kotahi rā rānei ia wiki mō ētahi wiki.

Pūtea āwhina haere

Ka taea e ngā ākonga STAR te tono mō te pūtea āwhina haere.

Mēnā ka haere mā te waka tūmatanui, me whakarato kape o ō tīkiti, tautuhi utu rānei me tētahi puka pūtea āwhina haere. Mēnā ka haere mā te motokā, me tuhi ngā maero. Mō ētahi atu kōrero, īmēra ki te Kaitohutohu Tuarua-Tuatoru mō tō rohe (tirohia i raro).

He aha ngā akoranga e wātea ana ki tōku rohe?

Pāwhiria tō rohe i raro nei kia mōhio ai ki ngā akoranga e wātea ana ki tō rohe. Mēnā he mea hiahia tāu kāore i te rārangi, whakamōhio mai.

Te Tai Tokerau

Tamaki Makaurau

Te Kahui Rāwhiti

Te Kahui Hauāuru

Te Rohe o te Puku me te Tonga

Te Tonga

Ngā Akoranga Tawhiti

Ngā puni STAR

Ka tū tā mātou puni 2025 mai i te 25 ki te 30 o Haratua ki te Hillary Outdoor Education Centre, Tongariro (tae mai Rātapu, wehe Paraire).

Ka kōwhiria ngā mahi mai i tētahi whānuitanga tae atu ki ngā taura tiketike me te pāpaku, kake pakitara, flying fox, ana toromi, whakatere, hīkoi maunga, waka ama, kake toka me te tukutuku. Ko te whāinga o te akoranga he whakarato huarahi ki ngā ākonga ki te ako mā te whakamataku me te tūhono mā te whai wāhi, te mōhio ki ngā kaha me ngā pūkenga, me te whakapakari māiatanga. Tirohia te ataata whakatairanga kia kite ai i ā mātou mahi! Ka āhei ngā ākonga Pakeke Taitamariki kua rēhita ki ngā kaupapa e toru, neke atu rānei me ngā ākonga wā-katoa i te Tau 12, neke atu rānei, e noho ana i Te Ika a Māui, ki te tono mā te puka i raro nei.

Ka kati ngā tono i te 4 o Āperira 2025.

Tukuna te puka tono puni STAR Hillary Outdoors 2025

Whakapā atu ki a Ruth Church mō ngā pātai.

Ngā kōrero whakaatu puni

Tēnā koe mō te whakarite kia haere au ki te akoranga Hillary Outdoors. I tino pai ki ahau, i tino ngahau, ā, i whai ahau i ētahi hoa pai rawa atu.

 Ingoakore

He mihi tēnei mō te āhei o tā māua tamāhine ki te haere ki te puni Hillary Outdoor Education. Kua hoki mai ia ki te kāinga me te harikoa, ā, e kī ana ia i whai hoa pai ia. I kī ia i akiaki ia i a ia anō, ā, i miharo ki tāna i āhei ai ki te mahi me te whakatutuki. He tapuwae nui tēnei puni mōna. Tino miharo mātou ki te whakahaere me te manaaki i tā māua tamāhine.

 Whānau Thomas

Kimihia ētahi atu kōrero

Me whakarite ngā akoranga STAR e te Kaitohutohu Tuarua-Tuatoru mō tō rohe. Kimihia tō kaiwhakautu ā-rohe mō ngā akoranga STAR i raro nei, kōrero rānei i tō hiahia ki tō kaimanaaki.

Ngā kōrero whakaatu STAR

Kua mahi ahau i ngā akoranga STAR maha, ā, i pai ki ahau te katoa. Ka whai wāhi koe ki te wheako i ngā wāhanga mahi me ngā umanga rerekē me te kore e herea ki tētahi kawenga wā roa. He poto ngā akoranga STAR, ā, ko te nuinga o ngā akoranga he whiwhinga (aromatawai) kei roto, nā reira he mea utu nui te wā e whakapaua ana ki te akoranga. Ka tino kaha ngā kaiako ki te āwhina i a koe ki te whakatutuki i ngā putanga ako, ā, he pai tonu ki te whakautu pātai me te tuku urupare.

Melissa

Huarahi Trades Academy

Ka tuku a Te Kura i ngā hōtaka mahi ā-ringa puta noa i Aotearoa mō ngā ākonga i te Tau 11, neke atu rānei.

Ko ēnei:

  • he hōtaka whāiti, ā-ringa ki ngā whakahaere tuatoru pērā i ngā whare wānanga me ngā whakahaere whakangungu motuhake
  • he kanohi ki te kanohi, kotahi, e rua rānei ngā rā ia wiki.

Ka ārahi ēnei hōtaka ki te NCEA Taumata 2, ki ētahi atu whakangungu me te ako whakamua ki ō whāinga, ki tētahi umanga rānei. Ki te whai wāhi mai, me ākonga wā-katoa, pakeke taitamariki rānei koe ki Te Kura, e ako ana i ngā kaupapa e toru neke atu rānei i te NCEA Taumata 1, ā, me ū ki te whakaoti i te hōtaka mō te kotahi, e rua tau rānei.

Ka pēhea te mahi?

Ka haere koe ki tētahi akoranga Trades Academy mō te kotahi, e rua rā rānei ia wiki ki tētahi o ō mātou hoa. Ko ō mātou hoa ko:

  • Adventure Works – Tāmaki Makaurau
  • Ara Institute of Canterbury – Hakatere, Ōtautahi, Oamaru, Timaru
  • Avon City Ford – Ōtautahi
  • Design School – Te Papaioea me Whangārei
  • Dive Zone Tauranga
  • Eastern Institute of Technology – Te Matau a Māui me Te Tairāwhiti
  • Employ NZ Tauranga
  • Enviroskills – Te Tai Tokerau, Te Kahui Rāwhiti, Te Kahui Hauaūru, Te Puku o Te Ika ki te Tonga
  • ETCO
  • International Travel College – Tāmaki Makaurau me Whangārei
  • Land-Based Trade Academy (National Trades Academy) – Ōtautahi
  • Manukau Institute of Technology Trades Academy – Tāmaki Makaurau
  • NorthTec – Whangārei
  • NZMA Te Whanganui-a-Tara me Tāmaki Makaurau
  • Otago Secondary-Tertiary College (Otago Polytechnic) – Cromwell me Ōtepoti
  • Papa Taiao Earthcare
  • Primary ITO
  • Queenstown Resort College – Paihia, Kaikohe me Whakatāne
  • Techtorium – Tāmaki Makaurau
  • Top of the South Trades Academy (NMIT) – Marlborough me Whakatū
  • Toi Ohomai – Te Moana a Toi
  • Unitec – Tāmaki Makaurau
  • U-Skills (UCOL) – Te Whakaoriori, Te Papaioea me Whanganui
  • Vision College – Ōtautahi
  • Waikato Trades Academy (Wintec) – Kirikiriroa, Pukekohe me Te Kauwhata
  • Wellington Trades Academy (Weltec/Whitirea)
  • West Coast Trades Academy (Tai Poutini) – Māwhera me Westport
  • Western Institute of Technology at Taranaki (WITT)
  • Whenua Iti Outdoors

E kimi tonu ana mātou i ngā hoa hou me ngā huarahi mō ā mātou ākonga. Mēnā he ngākau nui koe ki tētahi hōtaka, kaiwhakarato rānei kāore i te rārangi nei, īmēra mai ki huarahi@tekura.school.nz.

He aha ngā painga mōku?

  • He huarahi ā-ringa, whāiti hei whakarite i a koe mō te mahi, ako tuatoru atu rānei.
  • He mahere ako takitahi i runga i ō hiahia me ō ngākaunui.
  • He whakapiki i te māia, te whakahī me te rite ki te mahi.
  • Te whai wāhi ki te uru wawe ki te ohu mahi me te whakangungu mahi ā-ringa rānei.

Ko wai e āhei ana ki te tono?

Ki te whai wāhi ki te tono mō tētahi wāhi i te hōtaka Huarahi Trades Academy, me:

  • he ākonga kura tuarua te pakeke, ā
  • kua rēhita ki Te Kura i ngā kaupapa e toru, neke atu rānei kei te taumata NCEA 1, neke atu rānei.

He whakaaetanga tēnei mō te 1-2 tau, ahakoa ka taea e ētahi ākonga ō rātou whāinga i roto i te wā roa ake, poto ake rānei. Kāore he utu ako.

Kimihia ētahi atu kōrero

Mēnā e hiahia ana koe ki te whai wāhi ki te Huarahi Trades Academy, kōrero ki tō kaimanaaki, kātahi ka īmēra ki a Kathryn Smith, ka waea rānei ki 0800 65 99 88 wāhanga 8552. Ka taea hoki te īmēra ki huarahi@tekura.school.nz.

Ngā Whakaaturanga

He tino pai te wheako akomanga mō te whakahoahoa. Ka whakaaro pea koe ka tāmia koe i roto i tētahi akomanga o ngā tāngata tauhou engari kāore; kei te waka kotahi te katoa. Ka ako koe ki te mahi tahi i ngā kaupapa, ki te whakaheke werawera tahi i te whare hākinakina, ki te kōrero tahi mō ō mahi, ki te kai kebab tahi i ngā wā whakatā. Mā te noho i tētahi whare wānanga ka kite pū koe i ngā mea e tūmanakohia ana i taua taumata - tō whanonga me tō matatika mahi anō hoki.

 Jeanli, Hauora (UCOL)

I tino pai ki ahau te wheako, ā, i āwhina i ahau ki te whakatau i ngā kōwhiringa umanga o anamata. He āwhina, he hoa pai ngā kaiako, ā, he huarahi pai ki te tūtaki i ngā tāngata hou.

 Sarah, Toi (WITT)<

Hononga Matua

Mēnā he whakaaro tōu mō te momo umanga e hiahia ana koe, engari kāore e taea te haere ki tētahi akoranga kanohi ki te kanohi, ka taea e koe te whakamātau i te Hononga Matua. Ko te Hononga Matua he ako tawhiti ā tētahi o ā mātou hoa kaiwhakarato.

Ko ngā kaupapa e tukuna ana e mātou ko:

Ka pēhea te mahi?

Ko te nuinga o ngā akoranga Hononga Matua he ariā engari ka whai wāhi pea ki ētahi mahi ā-ringa. Ka tukua he māramatanga ki a koe mō te āhua o te ako i te taumata matua, ā, ka āwhina pea i a koe ki te whakatau mēnā he tika tētahi ara umanga mōu.

Ko wai ka āhei ki te tono?

Mēnā e hiahia ana koe ki te rēhita, me kōrero ki tō kaimanaaki kia kite rātou mēna ka tika tētahi akoranga Hononga Matua māu. Ina whakaae tō kaimanaaki, tirohia ā mātou puka mōhiohio kaupapa kei runga ake kia mōhio ai ko wai te tangata hei kōrero atu. Mēnā ka whakaaetia tō tono, mā Te Kura e utu.

Ngā Whakaaturanga

Ki te āhei ki te ako i te nuinga atu mō ngā pī i tēnei taumata hōhonu i tino waimarie ahau. I tino pai ki au te akoranga katoa. Nā ngā taipitopito i roto i ngā pukapuka mahi i māmā ai te whai, ā, he nui taku ako māi i a Telford. Ka tino whakawhetai ahau. He dyslexic ahau nō reira ka roa ake taku ako engari i te mea i tino pai ki ahau, i māmā te whai, ā, e pōuri ana kua mutu. Ka tino ngana te Kaitohutohu Tuarua-Matua ki te āwhina, he waea noaiho tōna tawhiti, he pai tonu, he whakanui tonu, ā, i whakamanahia ahau. He pai, ka āwhina hoki ngā kaiako katoa i Telford.

 Rupert, Mahi Pī<

E aroha ana au i te mea ka taea te whiwhi tohu mō ngā akoranga hoiho i te mea ko āu kōwhiringa he tiwhikete pony club, ā, me whai hoki koe i tōu ake hōiho. He tino pai te akoranga, ā, he nui taku ako mai i tēnei..

 India, Mahi Hoiho<

Ngā Kaupapa Tohu Ratonga A Te Ope Tūao Ākonga

Ko Te Ope Tūao Ākonga (SVA) tētahi kaupapa e ū ana ki te mahi tūao. E whakapono ana rātou ki te mana o te hunga tūao, ā, kua hangaia tēnei hōtaka hei whakanui i ngā ākonga tūao i Aotearoa. Kua rēhita a Te Kura ki SVA ki te whakanui i te angitu me ngā takoha a ngā ākonga ki te hapori.

Ko te mahi tūao, ko te āwhina i ētahi atu i tō hapori, pērā i te tiaki i ngā mema o tō whānau ake, te āwhina i ngā tākaro, te āwhina i ngā whare manaaki kararehe pērā i te SPCA, te kohikohi para i te taha moana/arawai o te rohe - he mahi kāore koe e utua ana.

Me pēhea te mahi?

Rēhitahia tō kōtaha ki te paetukutuku SVA.

Tāuruhia ia mahi tūao e mahia ana e koe i a koe kei Te Kura. Ka pupuri te paetukutuku i tētahi mauhanga, ā, ka whakahōnoretia koe mō ō haora mā ētahi 'Pine Ratonga' tino rawe. Ka whai wāhi ngā mahi tūao katoa kua mahia e koe ahakoa te wāhi, te wā - ka tātaihia katoahia ngā ratonga kāinga, kura me te hapori. Ka riro i a koe tō pine tuatahi i muri i te rima haora ratonga - ka whakamōhio a SVA i a Te Kura, ā, ka tukuna e mātou ki a koe.

Ka taea e koe te tiki ake i tō whakarāpopototanga mahi tūao i ngā wā katoa hei whakamahi mō ngā tono mahi, taurakareka, mātauranga tāpiri, karahipi, hei whakairi rānei ki tō pakitara i te kāinga!

Ngā mihi ki a koe mēnā kei te whai wāhi atu, kei te whakaaro rānei ki te mahi tūao.

Mēnā he pātai āu, tēnā whakapā atu ki tō kaimanaaki.